Welkom en Nomen Jesus,

 

Danksheen fa Tiet namen toom Bädhus Baptist Kjoakj besieekjen.

 

Wie senn de Johan un Brenda Kroeker Famielje. Gott haft onse Famielje no Bolivien jeroopt toom de Evangelium von Jesus Christus to vekjindgen. Wie sennen aun August 23, 2023 no Bolivien omjetrocken un Bolivien es bie ons Tus.

 

Ekj woss opp met de jedanken daut eena kunn veleicht no Himmel gonen derch een goodet Läwen proowen to fierren un derch goode woakjen doonen. Mien jedanken wia daut Ekj wudd een Dach ver Gott stonen un doano miene goode woakjen wudd Ekj entwäda no Himmel ooda no Hal gonen. Dise jedanken wierren een Dach klikj no de Bibel jäajenjestalt aus een Christ de Evangelium met mie metdeelt. Dit wia de ieeschte mol daut Ekj von de Bibel hieed waut de Evengelium werkjlich bedied. Miene jedanken wieren faulsch. Waut nu? Dree Moonaten lota traf Ekj een aundra Christ. Gott haud en mien haoten jeschauft dise dree Moonaten un trakjt mie no Am. Dise Christ haud mie däm sien Zeichnis vetalt woo Jesus am haud jerat. Ekj wia reed, un doa aun dän Dach, Feebawoa 23, 2009, haud Ekj von miene goode woakjen Vetruen omjekjieet, un enn Jesus Christus auleen vetrut aus mien perseenlichen Heilant. Wan hia wia Ekj aun mien gloowen jedeept un woss em Jeistlichen bie Central Arctic Baptist Church, Yellowknife, NT, Canada unja Prädja Frank Siemens.  

 

Ekj trakj no Winkler, Manitoba, Canada aun August 14, 2010 woa Ekj befried mie met Brenda aun Mei 28, 2011. Gott haft ons jesäajent met 6 Wundascheene kjinja met Nomes, Renee, Leanne, Shane, Avery, Ember un Jairett. Onse Ziel un Velangen aus Famielje es toom Gott deenen un veharlichen. Wie feelen erfelt wan wie Gott kjennen deenen derch de Evangelium met aundre metdeelen derch prädjen, sinjen, un derch Litertua.

 

Ekj un miene fru sennen beid derch Bibel school jegonen bie Canadian Baptist Bible College en Winkler, Manitoba, dee eene Deenstaumt es von Pembina Valley Baptist Church en Winkler, Manitoba. Gott haud mie to Missionswoakj jeroopt derch ne dree joa Tiet, un dan no Bolivien jeroopt fief joa lota. He haud mie to prädjen jeroopt een korten Tiet nohäa Ekj wia jerad derch eene perseenlichen aundacht Tiet wiels Ekj de Bibel läst. En Feebawoa 2012 haud Gott mie to Missionwoakj jeroopt derch eene Tiet wiels Ekj de Bibel läst en Rechta 6:12-14. Dit wia enn de Tiet wiels wie hauden een Mission Konferens un Gott un mien hoaten schoft. Don en Moaz 2017 es wan Gott daut kloa muak to mie daut Hee wull mie en Bolivien. Von hia muak wie reed toom no Bolivien häatrakjen. 

 

Wie sennen so froo toom en Bolivien läwen un menschen kjanen to lieren un de Evangelium metdeelen. Wie sennen hia toom halpen. Sie nich bleed un holt nich aules nenn wan junt halp fält. Roop ons aun wan junt halp fält! 

 

Gottes säagen!

 

 

Enn Christ,

Prädja Johan Kroeker